hello world!
Published: January 10, 2022

MAWHPUAKNA KIPIAKKHIATNA HUN ZAT IN OM; KIPAHPIHNA THILPIAK LENG HAWMKHE NGAL

10 JAN: Tunitak dak 7:30 in FSPA Office, Vengnuam, New Lamka ah FSPA Meet cum Election 2022-23 hun a telching thak a puan a om member te khut a mawhpuakna piakkhiatna hun zat in om hi.
Hiai hun outgoing President N.Chinkhanhau in makaih a, telching thak a omte kipahpihthu leh hasotna saulou a neihzawh in, telching thakte kichiamsakna leh mawhpuakna piakkhiatna a saingal hi.
Finance dinmun leng pulakna neingal in, FSPA sung a file poimawh tuamtuam te vaipaw thak te khut a kipiakkhiatna cabinet members te'[ a banban in ngeingal uhi.
President ding a telching thak a om Liankhankhual Ngaihte inle thu sahlou genna nei in, member te'n muantak asakna tung ah kipahthu gen kawm in member te nungthuapna poimawh gige ding uh ahihdan gen hi.
Telching thak a omte ahih uleh;PRESIDENT: Liankhankhual NgaihteGENERAL SECRETARY: L.Lian NgaihteFINANCE SECRETARY: NianglunmangINFORMATION SECRETARY: T.Khumlianding
Vaipaw thak te'n ahihleh FSPA General Headquarter office 2022-23 sung len ding uh ahihdan FSPA Election Commission thusuak kimu in taklang hi.
Program zawh in FSPA member te lak a kam muthak, Lamka a omlouh ziak a FSPA 10th Anniversary zatna hun a kihel theilou, Kipahpihna Thilpiak sangkha theilou te a inn chiat uh va siksuak in kipahpihna thilpiak piakna va nei uhi. Hiai hun a kipahpihna thilpiak piak a omkha te ahih uleh Liankhankhup Guite, Chingbiaksang leh Chingthianven te hi uhi.

Become a Member

At just ₹ 200 per year
REGISTER NOW

Motto: 'izou ding, kaging hi'

linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram