hello world!
Published: January 8, 2022

FSPA Meet cum Election 2022-23 lawhchingtak a zatzawh hita; Liankhankhual Ngaihte President dia telching in om

8 JAN: Tuni nitaklam dak 1 in K.Aichin Park, Mata ah FSPA Meet cum Election 2022-23 programme zatna neih in om hi. Hiai hun ah member Lamka leh a sehvel a om a lemtang theiliai paikhawm in hun nuamtak zatkhawmna leh vaipaw thak ding kitelna neih a om result puanna neih in om hi.

Programme zatna hun Boisiamlian Ngaihte (Information Secretary ) in makaih a, aman FUHSIMPIAHI laapi sakna neih ahih zawh in paikhawm te vaidawn thu gen in, programme zat dingdan tangpi te pulakna nei zomngal hi. Aman vaidawn thu a gen hun in tutung meet zat hun ahihleh kum thak sawng ahihtoh inkuan, tanau laina vai a programme nei member tampi om man a deihbang a kimtak a paikhawm theih a omlou ahihdan gen in, buaina tuamtuam kal a hiaizah zouzai te bang paikhawm thei a om kipahhuai sa mahmah chi in, a hong pai lemtang theilou te leng ut mahmah ahi uh chi hi.

Mangsonmuan Guite ( General Secretary ) in secretary report, FSPA General Headquarters 2020-21 hunsung a kivaipuakdan leh nnasep tuamtuam te paikhawm te mai ah pulakna nei hi. Aman a genna ah kum paita nih te covid-19 hipi ziak in kivaipuakna ah nawngkaina tuamtuam om mahleh member tetoh pangkhawm a term palkai thei uh ahihdan gen in kipahhuai a sakthu gen hi.

Election Commission hun ah N.Chinkhanhau ( President ) in hun la in, Presidential Address toh kopngal hi. Aman FSPA kum paita nih sung a hihkhelh, bawlkhelh hiam a omleh member te'n chillum toh valh a ana theisiam ding in Cabinet sik in paikhawm te lak ah ngetna bawl hi. Aman a genzom zel na ah FSPA in kalsangzaw tawina ding lam tuamtuam dapkual in, amau hun a FSPA HR Committee bang set-up a om in, kong tuamtuam ah hihtheih bang omhiam chihte et a om himahleh sepsuah taktak om manlou ahihna ah Term thak a vaipaw te hong kisiak ding uh ngetna bawl ngal in, member te'n amau term sung a lam tuamtuam a member te leh committee tuamtuam bawlkhia a mawhpuakna piak a omte kithuahpihna te tengteng ziak a term sung a pawlpi pi galkai zou uh chi in kipahthu gen hi.

FSPA Genereal Headquarters 2022-23 sung vaipaw ding kitelna toh kisai apaita January 3 apan 6, 2022 neih a om hun a member te'n heutu thak ding kitelna a hoihtak a kihel a vote 80% val bang poll a omtheih man in kipahthu gen a, telching thak a omte abanban a simkhiatna leh mipi mai a mellahna neingal hi. Telching thak a omte ahih uleh; President: Liankhankhual Ngaihte, General Secretary: L.Lian Ngaihte, Finance Secretary : Nianglunmang leh Information Secretary: T.Khumlianding te hi uhi.

Aman heutu thak te Election Commission sik a kipahpihthu a taklat kawm in, hasotna saulou neingal hi. Telching thak a omte leh a lui te'n charge kipiakkhiatna ahihleh ahongtung ding Monday, January 10, 2022 chiang a FSPA Office a neih hiding ahihdan leng puang ngal hi.

Programme zawh in paikhawm te'n lim kilakna nei in, ankuang sawkkhawmna neizom ngal ua, nitak dak 6 phial in kikhen thei pan uhi.

Become a Member

At just ₹ 200 per year
REGISTER NOW

Motto: 'izou ding, kaging hi'

linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram